[赤腳之行 ]28-8-2014 屏南石澗，野外長征團，四人成團，跳潭戰＋屏南石澗之路線指引教學

序
－－－－－－－－－－－－－－－－－－－－－－－－－－－－－－－－－－－－－－－－
　由於小弟對行山鞋個底甩左一忽，搞到我今次行山都無鞋著，就求其拎左對Reebok既運動鞋諗住都無問題啦，點知原來個底係完全０摩擦力。友人道：「你不如直接除鞋啦！」，結果我就赤腳行足成程啦！ 
　　
　　但原來赤腳行都唔錯架喎（行澗方面），用赤腳行上石上面，可以清楚感受到每一步行唔行到，不過有陣時跳石個時隻腳就會比較受更多既力，同埋會比較易整親隻腳同扭傷。仲有就係碎石上面行個時，真係可以喻為痛不欲生，不過堅持係可以捱過去既。我都好幸運無踏中奇怪野。
－－－－－－－－－－－－－－－－－－－－－－－－－－－－－－－－－－－－－－－－
屏南石澗之路線指引教學
關鍵字：　交通　時間　地點　路線圖
時間：28-8-2014  10:00 - 1700  P.s (其實係唔需要行咁耐，因為我地成日去左潭浸水先搞咁耐，正常大概3小時之內絕對可以行完成個旅程)
地點：鹿頸路－－＞屏南石澗－－＞南涌郊遊徑－－＞鹿頸路
人物：左起－＞Daniel，Hannah，我(Paco)，Carol

路線圖：↓↓↓

綠色點：起點

藍色線－＞出發路線

紅色線－＞回程線

橙色點：終點

交通：1.先地鐵到粉嶺火車站

                 2.在粉嶺C出口外的小巴站乘搭56K 小巴 總站落車
　　　3.http://hkbus.wikia.com/wiki/%E6%96%B0%E7%95%8C%E5%B0%88%E7%B6%AB%E5%B0%8F%E5%B7%B456K%E7%B7%9A       詳細資料


補給：粉嶺市中心
－－－－－－－－－－－－－－－－－－－－－－－－－－－
  　　小弟較鬧鐘係較左0800，咁我係0800固然係醒左一下啦，但好唔幸運地，我又翻訓左。再起身既時候，已經係0830，但我都仲要拖多10分鐘先起身沖涼刷牙，汁野換衫，結果係差唔多0900先出門口。由於我完全係未訓醒，所以我基本上成程車係一上車就訓zzz，不過都好好彩，我係約定時間10:30前10分鐘就抵達56k小巴站。

　　原來女仔們都已經食哂早餐，果然係女仔！我一起身都未食早餐就仆出黎，所以襯架小巴未到之前，我就去7-11買左個火腿蛋沙律三文治仔，而Carol就買左個排包，而Daniel就買左個提子包。

　　係總站落車之後，格離就會有一條好長既石屎路比大家入去。而且都會有一幅地圖比大家係開始前睇睇個地理位置。
　

　　沿著石屎路一直走，除左有一間好乾淨又好靚既公廁之外，仲有個亭仔。而行到盡頭既時候，相信大家都會覺得無路可走。但其實不然，呢個時候就係要從黃色箭嘴既入口開始行入石澗啦，而呢到簡單黎講就係石澗既起點。以一條路唔似路既路做起點，對於行開山既大家相信都唔會陌生。

　　呢次既路線其實好短，所以我地行左咁耐，其實係化左差唔多一半多既時間去浸水同跳潭。行山，郊遊至在就係開心，所以慢慢下，hea下hea下，都不失為一件樂事。

　因為前幾日都有落雨，所以當日既水係非常大，好靚架。而且呢條路線都好多潭，大家可以簡個靚既潭先慢慢浸XD

　就係我地跳潭既時候，每個人都簡左唔同既位跳。我雖然鐘意跳，但我係畏高的。所以到最後都無跳最高個個位。最後都係得Daniel同Hannah跳左最高個位，厲害！不過我地跳個時掉左部「山狗」落潭底，經過一番既努力潛水，都係失敗回而。

不過係第二日既朝早，帶齊潛水工具，成功尋獲。

　　　　行下行下，突然見到中間有舊石係凹左入去，其實佢係長期受溪水冲刷成壺穴，造成澗水穿石而過奇景。見到個咁得意既洞，我地都即刻走左埋去影相。係影相既同時，我地又見時間差唔多，所以都停低左食個午餐。話說呢次係我第一次行山有lunch。雖然好簡單，但真係好正: ) 其實仲有焗番暑架,不過無影相。多謝Hannah幫我地準備。

　　今次行完發現呢條路真係好易行，唔使驚拎住部相機周圍走會整花部機，而且好多靚水景。下次一定要拎埋部相機玩，因為呢到既景真係可以玩到好多野，影到好多靚相！

完

「我想星空」，一年一次，學界觀星營（二）之 我來自水龍頭 營後感

　　經過上年一次觀星營既經驗，促使左今次我去觀星既動力。
　　今年，我又入返同一組，有新面孔，亦都有舊面孔，但今年我再唔係「M6」，而係「水龍頭」。其實我覺得呢個名係好霸氣，而且好符合我地第一組既形象。

水龍頭既組物: ) 真係好靚
雖然會阻住人觀星XD

　　「我想星空」係呢次活動既活動名，但我所想既，並唔單止係一片浩瀚星海，而且仲係人與人之人之間既一種聯繫。同昔日既組員埋頭見面，固然開心；但可以認識一班新既朋友，再一次一班人仰望滿天星，躺在草地或天台享受呢片星海，聆聽彼此既分享，呢種享受，亦係我所珍視之處。其實今年我亦都有想分享既事，但礙於小弟既精神狀況同時間問題，我最終都係無發表任何偉論，呢個亦都係我其中一個遺憾，希望日後有機會可以再講啦！

　　我由入營開始就已經病到面目蒼白，身體痛得叫苦連天。我遺憾未能投入於每個活動當中，特別係無得玩竹筏，因為呢一個係我幾期待既遊戲之一。但人總係要生活，所以只要我好少少，我都盡量去郁，唔比自己停；因為我知道自己一停就唔會再想郁。其實我只要企係到，個人就已經要屈住個身先可以無咁辛苦，所以原諒我成日又坐又訓係各個不同既角落。

　　三日兩夜，活動好多，未能逐一詳述。但重點的觀星活動當然要細說一二。今年我地呢組依然成為留守觀星時間最長既組。大家願意唔理污濁，唔理個地硬過石頭，訓係天台到談天說地，仰觀天象；到第二朝仲比太陽曬醒既同時又比陰風陣陣既涼氣攻擊，都依然仲留係天台，我相信亦希望大家係唔會忘記我地共同所欣賞過既星空，我期望當大家日後有活動，有re-u，當然可以聚頭，但現實往往事與願違。所以即使你我未能再次相見，但日後當彼此再同望向同一片星空下，你能記起我們，我們一起在天台上嘩然讚嘆流星的時光，一起因眼訓而在講座睡覺的時光，一起相處的三日兩夜。　

一覺起身，火燒雲，十分美

天台上熟睡中／曬醒的我們: )

　　今年我係中六，下年亦未必能再次參加活動。雖然呢三日兩夜絕對唔係完美，當中亦都有其不完善既地方，但當知道其實呢個觀星營未必可以再搞其實都係有所遺憾。係營入面，其實收獲係非常大。最基本，一些天文知識你係絕對可以係觀星營入面獲得。例如：星既名字，觀星既方法，觀星唔應該開白光，天文攝影既技術.....等等。假如你夠主動，你絕對係可以問到更多深奧既天文知識，因為具備豐富天文知識既前輩大有人在。收獲取決於態度。

　　除外，你仲可以認識到一班至少願意陪你捱夜睇星既志同道合，能再聯絡既數量未必多，但所謂「知己難求」，但至少若果有一個願意再陪你分享同一片星空，我相信你已經獲得５５０蚊收費既回報。

　　再者，膚淺一點，能夠組織過百人一同欣賞星空之餘，而且都能信守觀星禮儀的情況下觀星，這種感動，緣份，非凡人能享。若曾觀星之人必能明白，能夠在良好的氣氛下同一享受彼此皆熱愛之事，實有非筆墨能喻的感動。

　　係我個人而言，我觀星既定義可能同部份人唔同。有人可能宛若科學家，要尋根究底，知道宇宙每顆星團、星雲既由來，但我則不同。我所享受的，只是這個既神秘又奇妙既天文現象。我享受係一個漆黑天空底下欣賞到每顆不同既星星綻放其獨特的異彩，可以係寂靜既黑夜寧靜地思考，探索自己的人生、將來，解答為自己的疑惑。有時，又能聆聽到不同人的故事，有苦有樂；在分擔別人感情的同時，也使自己的思想增添一個角度，豐富自己的人生。

　　但願明年今日我能夠再分享觀星營既感受，即使事與願違，都希望觀星營能傳承下去，讓每個中學年青人都有一個接觸天文既機會。

河山錦秀，氣像萬千，西灣，雙鹿石澗，四疊潭，遲了兩星期的旅記［雙鹿石澗簡易路線教學 + 簡介｝

2014-06-29   極度天晴

序
－－－－－－－－－－－－－－－－－－－－－－－－－－－－－
突然被友人邀約行山，但條件是既能上山又能下海
面對這要求，我們便決定走「澗」了
同時，有兩位人兄卻是首次行山，但卻要爬過這被標籤為有４星難度左右的路段
結果，中暑了。
不過我也取得了人生成就：10米高台跳潭
－－－－－－－－－－－－－－－－－－－－－－－－－－－－－
雙鹿石潛之路線指引教學
關鍵字：路線圖　交通　貼士　補給

時間：2014-06-29   0930-1500
地點：西貢市中心------>西灣亭------->西灣----->四疊潭------　雙鹿石澗---->西灣亭---->西貢市中心
人物：[不知所謂的不合照] 後排左起：bun爺，eric，edgar
　　　　　　　　　　　　前排左起：飛雲，我(Paco/肥中)

路線圖：↓　↓　↓　↓　 

交通：西貢市中心　29R 村巴 直達西灣亭

　　　西貢市中心　的士 費用約$100內 抵達 

　　　由於我們有五個人，故此我們這此去西灣亭也是坐的士去

貼士：1) 記住西灣亭是無法打電話的，所以若要在西灣亭離去，只有等村巴／在較前的位置預早call的士

　　　2) 走澗會長期暴露在太陽底下，強烈建議為全身塗上防灑以及帶多一點水，以避中暑

　　　3)跳潭乃量力而為之事，做不到不必覺得被取笑　

　　　利申：雖然筆者也是在[人一世，物一世，打死把就]　的心態跳潭><

補給：西貢市中心

－－－－－－－－－－－－－－－－－－－－－－－－－－－－－－－－－－－－－－－－

　　早上0930，大家在香港不同方位的家中準時抵達西貢市中心，由於當天是星期日，那裡的人非常多。我們找了許久，才找到一間非常舊式又不起眼的小茶餐龐，各人都點了一份特餐，喝杯東西。　

　　吃完早餐，我們便開始坐車先到西灣亭了。我們本來是想坐29R村巴進入西灣亭的，誰知車上只要４個位置，但我們卻有五人，而負責接待等村巴的男人卻告訴我們需要等若２０分鐘才有下一班車。同時，他眼看到我們有五人，便建議我們坐的士進西灣亭了。結果，我們坐上了的士。坐村巴費用若15元，而的士人頭費也只是20元左右，所以若有五人成團的話，的士絕對是一個非常好的選擇: ) ！

 　　[人站在西灣亭中]往外看，便會看到一條從西灣亭到西灣的路段＋牌子，若對將要走的路沒有足夠認知，也能在入口旁的地圖牌多望兩眼才出發，不過到西灣的路段其實也沒有太大難度，而且非常畢直，絕對不會走錯路。

　　說時慢，那時快，我們若花了半小時已經順利走到西灣了。沿途看到許多其他的山友們，他們是普遍的大眾，腳步均速。他們則是花了若一小時多才走到西灣。

　

　到達西灣後，我們若想了十秒，便達下共識。我們決定先在西灣下水一會兒，然後才開始我們的路線。因為天氣實在非常熱，我們毫不猶豫便一躍而下，奔進西灣去裡！

Eric的褲子既鬆又大，穿上身活像一個傻子　很搞笑，呵呵

肥，中，瘦
又可拆解為：肥中（很）瘦

　看到吧！水真的很清澈。活像啫喱狀的，非常可愛

　　天空分成兩邊，邊向海面的則是藍天白雲，而背向海的則是烏雲密佈。同一地方上，宛若分成了兩個國度。在海上玩了一個多小時後，我們又開始出發往四疊潭了。

　　從西灣上水後一直往左走，將會見到一條小河，然後一直靠左走約15分鐘內，便會到達四疊潭。

從沿路放眼俯視，其實也能隱約看到西灣的
所以其實是一條挺畢直的澗路

　　其實從西灣走到四疊潭可說是進入雙鹿石澗的熱身賽，因為從這裡開始，沿路也是一些需要手腳並用的石路，什至需要沿河邊慢慢的向前爬。在第一個潭位其實已有許多外國人與山友們下水享受冰凍的澗水。他們大多數是一家人來的。但由於我們的目標是到四疊潭觀犘跳潭奇境，所以我們在此站飲水休息一下便再出發往四疊潭進發了。

鬼妹暢泳樂「游游」

四疊潭終於露出半個頭了！

終於登上四疊潭,四疊潭真係好多人，有一戶人仲帶埋佢地隻狗黎tim！

頂點為傳說中的「 十米高台跳樓位」

也有人選擇坐在瀑布底下享受純天然水壓按摩
當日水流還算大

我與bun爺率先下水
eric跟edgar則在右下角觀察形勢
一接觸水面，便發覺潭水是冰涼無比的，簡直是透心涼！這使炎炎夏日的暑氣都能消退～

這個位置是天然的曬太陽位置
我們不但能躺在石頭上，而且又能浸在冰涼的潭水裡，最後更能把河山錦秀盡收眼底，可謂完美！

此處是爬上十米高台跳潭位的其中一個路征，但由於石與石之間的差距非常大
除非雙臀力量異常，否則也要手長腳長的人才較能成功從此處爬上十米高台跳樓的位置
利申：本人(矮人)是失敗的例子

這是後來才來的第二批人數較多的團體

山上小基友
穿著綠油油顏色legging的正是筆者Paco本人
後面則是Bun爺
從圖中，相信大家已經能看出我的不安與恐懼
早在我上去前，Bun爺其實已經跳過1次，勇敢無比
如今我在上面其實也腳震了若３分鐘
不過，在這石上除了我也有一位怕了２０分鐘的小兄弟: ) 

　　首先，我相信大家都會想問「十米姐係大概幾高呢？」如上圖，十米大概係咁高: ) 　
　　跳完呢一次後，我充份了解到「跳樓自殺.....係真係需要無比既勇氣」....
　　而係十米高台腳震左３分鐘既我究竟點呢？
　　廢話唔多說，去片！[請張音量收細，內有粗口]

　　明明係十米高，但覺得好似轉眼即逝？

　　無錯！莫講話睇片，就算係睇個個既我都覺得只係２秒之內既事

　　先別講係空中睇風景，做花式，根本係非常困難。

　　不過我覺得我既跳水姿勢都係可以用「大鵬展翅」呢四字去形容既～

　　好彩宜家科技發達，Iphone5 已經推出左慢動作拍片功能: ) 　　

　　學黃興桂話：「好波不妨一睇再睇！」

　　我地再黎用慢動作version睇多次啦！

'

　　水又游完，潭又跳完，我地係四疊潭又搞左個幾鐘，終於提起幹勁再次上路出發，行我地今次主要既路段，「雙鹿石澗」！

我很愛這張全景。爬上四疊潭的頂點後
左邊是我們要前進的路段，而右邊則是四置潭的全景，構圖完美

這不像路，又長又鈄，遠看幾乎是直的沒水瀑布，我們真的是手腳並用的爬上去唷～

　　爬上去雖然辛苦，但不算是太難。從四疊潭走到這裡我們都是靠著左邊一直前進。沿路其實有一條分乂路，及後聽別人講，轉右的才是正路，但我們這次則是錯有錯著，走了錯路也能繼續走下去。爬上了這個瀑布將會看到一個人造的建築物(橋）的東西。然後，我們便轉向南方，繼續我們的旅程，便是反回西灣亭了。

　

　 但是從此處走向西灣亭是完全暴露於烈日當空的環境中，連一些樹陰也沒有，而且全部也是上鈄的樓梯路段，非常痛苦。而且在帶不夠水底的情況下，隊員開始有中暑的現象。我們便每走完一段樓梯便停下來休息休息，本來若４５分鐘的路程，我們大若走了一個半小時才回到西灣亭。不過當然安全第一吧！ 就在抵達西灣亭前的５分鐘路段，我們終於遇到了其他的山友們，我們急急請求對方給予我們一些水予中暑的人喝，還好對方也有足夠的水源借給我們喝，加上也快到終點，這使我們在尾段的路程也回復活力！

　 本以為當時沒事的筆者，就在行完山後的一天得到了中暑的後遺症，開始發冷發熱，發燒，出汗，苦不堪言.........所以謹記行山必須帶足夠的衣服防曬及足夠的水源，以避中暑！ 雖然今次都好想做我既招牌動作「舉１字抬頭」，但今次行完已經即刻咁岩有的士係西灣亭，加上又唔記得左係西灣亭影，可惜～

完