因此我們便相約星期日晚上行山，從東涌市中心出發，直奔鳳凰山山頂！
鳳凰山之路線指引教學：
關鍵字：路線圖 交通 建議 補貼
時間：2014-5-25 晚上 12:00 至 2014-5-26 早上 07:00
地點：東涌市中心--3小時-->昂坪市集--0.5小時-->鳳凰觀日入口--1.5小時-->鳳凰山山頂
人物：[左起]升爺，威仔，我( Paco)，銘爺
路線圖：↓↓↓↓ ( 手工可能差了一點，別介意: ) )
其他交通路線：東涌市中心坐大嶼山巴士 ：11／23 號 到 伯公坳 下車
大嶼山巴士詳細資料：http://www.newlantaobus.com/nlb.html
建議：一：不要學我們那麼傻，坐大嶼山巴士到伯公坳起行較快捷方便
二：沿途約佔九成也是樓梯級，故弱項是走樓梯的人該有心理準備
三：鳳凰山山頂非常大風與大霧，可謂歲暮天寒，應多帶風衣準備在山頂的等待時間
四：到了鳳凰山山頂，濕氣非常重，應帶備保護相機的相關工具
補給：昂坪市集(日間)，東涌市中心
－－－旅記部份－－－－－－－－－－－－我是分界線－－－－－－－－－－－－－－－－
係東涌市中心出發前，當然要影相留念！
行左約十五分鐘，我地就開始從「昂坪救援徑」起行啦！
由於已經入夜，當上緊無限樓梯回頭望返落東涌既時候，就會望到萬家燈火。
以下就係回望東涌既兩張作品，由威仔攝影師拍下。
唔知大家又覺得邊張靚d呢？
由於我們未開始起行已花了很多時間在前段拍照，因此我們花了約一個半小時才抵達第一個checkpoint，是昂坪救援徑的第一個纜車站。在抵達前十步，我們再次停下拍下些有趣的照片
不知你們是否覺得有點幽靈的感覺呢？
這正是其特別之處！( 雖然好像不太成功XD）btw for fun : )
行過第一個纜車位後，我們繼續努力前行約一個小時多，
就成功抵達了昂坪市集。
不說也不知道，原來昂坪市集是通宵開著的呢，我們可以走進去休息，
不過商店當然早就關掉了。
猜猜我們進去坐下休息做的第一件事是什麼？
沒錯，正是進吃軍糧！
我們馬上開了許多即食的腸仔進食，活像行軍打仗的軍糧呢！
不望鏡頭扮chock！↓↓
在此休息了若二十分鐘後，我們再次起行。
穿過昂坪市集出去，便會看到昂坪的巴士站
同時，這也是交通中所說的建議路線，從此處下車便能縮短一半的路程。
其實，這才是我們旅程最辛苦的真正開始！
由於我們是夜入鳳凰山，我們沿途除了頭燈，照明工具能照看到的地方之外，我們根本完全看不到四周的環境。加上我們為了趕在日出五時正前抵達鳳凰山，我們除了在休息時段外，都沒有花太多時間在這段路上拍照。
亦正因我們上山沿途看不到風景，我們在沿路下山時看到風景時，也有一種說不出的感動呢！
偽毒正太偽日本攝影師-－－＞威仔
說時慢，那時快，轉眼間我地就到左山頂，過程當然非常辛苦.....
因為正正就係我既弱項，行樓梯！
所以我都係建議到比定心理準備未去過既人士
利申：筆者極度討厭爬樓梯
究竟有幾大霧？相信大家睇到相已經一目了然
鏡頭已經變左濛又濛，衍生出左一種濛瀧美
雖然伸手仲可以見到五指，但係行前少少已經係可以消失於霧氣之中
宛若走進結果一般迷幻
 |
| 我家的正太攝影師-->威仔 |
我地從上到山頂既0500等到0700 乜都無全場比大霧所遮蔽全景，相信大家都能感受其一二
不過可幸之處就係，偶爾霧都會被吹散，此時便有佳景便盡現眼前.....2秒...可恨！
還好神之正太攝影師 威仔都能成功拍下其景，可囍可賀～
雖然唔敢講係咩靚相，但係佢出現既兩秒之間能攝下來，已經算係好幸福的事
我地親身用眼睛，用身體感受那數秒之間的大自然美景，都覺得好感動><
 |
| 我家的帥氣管家－－＞升爺 碌行山仗忽然變身管家支杖咁ｏ＿ｏ |
以下呢幾張相可能大家覺得有重覆既感覺
但其實我係想表達
「點解影張大合照都咁難架！！！！」
得我一個乖乖地望鏡頭: (
最後我崩潰....我地都係失敗左......大家都望唔中鏡頭-_-!! haa
雖然已經無哂背景架啦，但都比我地chock下啦XD
係山頂上影完呢幾張柒下柒下又chok下chok既相之後，我地就緩緩下山去～
當你睇到相，你就會明白能見度真係非常低
我地仲要落成個半鐘既樓梯，樓梯又濕又高又鈄，其難度真係比想像中高
因為小腿既負荷好重。
 |
| 此相名為：攝影師之悲哀 攝影師往往係無人幫佢影相，所以要自拍:( 淡淡的悲哀 正如岩岩先講，我地係夜晚入去鳳凰山，所以沿途係乜都望唔到 我地沿路落返山，先知我地上山條路原來係咁靚...... |
 |
| 水面化身為鏡面，將天上既藍天白雲盡收左水面上，有一種簡樸的美 |
其實沿住條路落山望返去對面除左有呢個海之外，其實將會望到好大座既天壇大佛同埋心經簡林既38條木心經木柱，從遠睇真係非常宏偉，可惜當時唔記得從遠影相。不過我都行距離影左張相，小弟165cm，可見木柱係幾咁高大！
當我走到心經簡林，其實正等於我地已經成功落山
我地就會見到呢個「昂坪高原」既牌
其實個牌反轉就係寫住「鳳凰觀日」，當你上山個時就會望到鳳凰觀日四字，而唔係昂坪高原四字架啦～
 |
| 牙媽，我得左啦！ 完 |
