原始國度: 2013

2013年12月19日星期四

首次！參與由GOOUT主辦戶外大型露營活動－－荔枝莊

一切一切也是源於這頁活動。
早在月多前的一個晚上，Andrew在Facebook上邀請了我參加這活動，我才有幸得到這可貴的經歷。多謝: D! (也多謝籌備活動的各個山中營友)
本次與我參與露營的人有：小弟(Paco)，飛雲(中坑)，升爺(獨行俠殺手)

由於真係好想去見識下露營界的各路英雄，小弟朝早考完mock 就拿拿林換左套校服，先到旺角與飛雲及升爺集合，分配行裝（及買扇貝for入夜晚餐之用！）。便坐小巴先到彩虹，再轉小巴直達「白沙澳青年旅宿」，往上走二十步，便正式抵達往荔枝莊的入口了↓↓↓↓

先到門口影張相留念先：D
腳花花的當然係我(paco)
成個殺手咁既款既就係(升爺)
係咪好大對比呢！！

沿途有什麼？！？行左約五分鐘，我地就睇到右邊有一小片種滿哂唔同菜既農田，仲有一隻水牛tim！而左邊就有一棟棟既村屋‧舊屋。如果夜晚行入去既話，都應該幾得人驚~_~。

　行左約半小時，有人倒下了！相信睇到以上三張相，大家都知邊個最快垮低啦！無錯，佢就係飛雲（自稱過左運動員黃金時期的人）由於佢要休息，又咁岩有張椅子，我地就係呢個位稍作休息，亦同時拍下三張寫真，究竟邊個最型呢？XD?

p.s 不過好難怪既，佢除左人到中年之外，佢袋入面ｄ野又真係幾重既，內含：汽車電池，一個大鐵煲，營..etc (算係為佢講個藉口啦-_-)

　　又行左半個鐘左右(3:10)p.m，我地終於到達荔枝莊。我們從遠處眺望，四處也是營，五光十色，紅橙黃緣青藍紫咩色既營都真係齊哂！由於我們其實都係第一次到達荔枝莊，我地就四處探索下，順便找找一個較受較少風的位置紮營，因為當晚的氣溫將被預計會急劇下降至十度以下！隨著政府所修的石屎路，便走到荔枝莊的海邊。那兒望出外便一望無際的海了。而走到再遠的地方，便是碼頭。(大部份的營友都是水路從這個碼頭進入荔枝莊的，而陸路進入的我們，是屬於少數） 所謂「青春留倩影」，接下來大家將會睇到更多相XD！

　其實，當日天氣霧氣重重，可謂天降大雨的先兆，但這卻無阻我們各方營友的熱情。隨住時間過去營帳越黎越多，據偷聽情報顯示：參加者超越80人！可見是次活動都好熱鬧！

遊完一圈之後，我地放低個袋，搵左個凹入去既，南西北方都有樹，草遮住既好位就開始紮營了。紮完，突然驚覺旁邊有一個強大的黃色靚營，骨挺挺地豎立著。營格離仲有一張色彩班斕既台布。雖然成個營地既種類非常之多，但我自己係最鐘意呢一個營 (y) ！這令我忍唔住走埋去扮係自己個營影張相，當自己買左XD！後來慢慢認識各路營友，先知呢個營係由一位叫Iris既女營友所擁有，羨慕死人呢！><

　　影哂相，紮哂營，當然係四出探訪啦！首先我地去大會既shelter到拎左幾張靚靚大會提供既goout貼紙，以示我地係活動既參與者！由於真係幾靚，我即刻貼左兩張係身，而飛雲都貼左張。你地可能有Ｄ疑問，「乜我地唔係三個人黎架咩？」　無錯，我地係三個人黎，但升爺為左補留體力在深夜出動，係紮完營既同時，佢已經馬上入營開啟冬眠mode了。所以短期內，大家都唔會見到佢既蹤影。

　　從我地個營走上少少，我地發現有好多人聚集於一個大shelter到，而且仲好多張椅子圍成一個圓形，三五成群咁圍埋一齊吹水，食野。佢地真係好nice，打左個招呼後，就係咁叫我地食野。雖然呢到係戶外，但佢地既野食一ｄ都唔馬虎，而且質素都好高！例如：菜肉餃子，青咖啡雞糙米飯 (辣得黎又香，超強！可惜飛雲唔食辣，佢只係食左好少)，花生豬手(可惜我同飛雲對豬手都係0興趣: ( ) ,印度薄餅，等等。不過由於我地都食左個ｍ記先入營，所以都係略嘗小小而已。除左野食同人，係呢個shelter入面最多既就係廚‧餐具，各營友既用具都唔一樣，五花八門，真係令小弟大開眼界！但原來呢到只係冰山一角，因為接下黎，先係活動既主角。

　　突然！大家都往中心既shelter進發，正當我滿心歡喜以為「貓糧酒精爐」既活動要開始，原來係二手拍賣會率先開始。所賣既有一條褲，襪子，PiCharPaK WorkSHop的不同產物(防水袋)，DIY三腳水袋架，等等。但最令我心動既就不得不提以上呢位「木工師傅」。佢突然係shelter外旁開左一張紅卜卜既野餐布，放低二個袋仔，三塊木同九支不誘鋼支架就坐低左。然後佢就開始講解佢將要做既野，原來佢係親手打磨同幫塊木打蠟既人！佢親手做出呢張木台，令我非常敬佩，因為係香港仲會玩手作既人真係唔多，而且做工都好精美，感覺到每一步都係心機，精血所在！每塊木都係佢親手一下一下上蠟呢！雖然佢唔肯開價張台賣幾錢，但係你問我呢，張台值二百蚊左右啦！

　　突然，人潮又開始集中返去shelter中間，原來「貓糧酒精爐工作坊」開始啦！隨住人潮，我都走返去參加活動了。

好多好多好多同埋好多既貓糧罐ＸＤ

　　經過一輪講解，我地大概知道左貓糧罐既用法同製作方法就開始著手工作了！由於工具有限，我地將大會僅提供既約六個打洞機輪流用！可能我手力太差啦，我都埋頭苦幹咁既樣，但飛雲就處之泰然－＿－！係貓糧格離，你會見到好多奇形怪狀既罐頭物件，但其實呢ｄ全部都係呢位教我地整貓糧罐呢位營友都旁邊藍色衫呢位營友所製造的小作品，見到之後讚嘆人地既創意！

　　有好野整完，梗係要試一試佢啦！所以師傅就即場示範。首先，倒入適當份量既工業酒精，然後再用打火石／火機係酒精上擦出火花。就係利用個一下火花，酒精就會成功燃燒，形出「爐頭」。但為左考慮左實用性，師傅仲自製左個鋁片，仲左幾個洞比ｄ氧氣流出之餘，又令到火唔使受到風既影響。而師傅作品既宗旨就係要「輕，方便，實用」！所以佢既蓋並唔係一般既大大舊鋁蓋，而係用年糕既底剪裁而成！成套廚具拎起上身，可能真係同手機既重量差唔多！睇完佢既示範，小弟身感敬佩，佢地既創意真係無限大，而且實用。小弟在此致以讚賞（叩頭）！！！

　　

　　隨住時間到左六點，大家都開始各散東西準備晚餐，但我地可能晏左先食lunch既關係，當下並不肚餓，所以就四處再次打探下！行下行下，有人食煲仔飯，有人食意粉牛排，亦有人韓燒，但最多人食既，都係火鍋啦！當然我地都唔例外，不過地就準備多左個扇貝><（蒸扇貝材料有：蔥，蒜蓉，飛雲自家製辣蝦米同幾滴生抽）係冰天雪地既晚上有得食呢樣野真係好比天賜的恩物，爽死了！
　小插曲：係四圍遊期間，我地走到在野BB既營入面，仲借左生抽蒜蓉比佢地tim，所謂有福同享！
　而我地既火鍋湯料則有：Paco由台灣空運到港既蛋花湯，香腸，魚蛋，魚腐，豬肉片，唔記得左食既炸魚皮，蝦條同蟹柳。當然唔少得，就係冰凍既青島啦！　突然，天公不做美，微絲細雨開始下降，若五分鐘後，雨勢逐漸加劇。我地決定轉移火鍋場地到大會shelter中心，再過多十分鐘，雨勢變成滂沱大雨，正如你們見到，草地已是濕漉漉的。你們可能會取笑我傻傻的在玩shelter 但其實不然，由於雨實在太大，水都困於shelter之上而落不得，故此，我地需要以人力將水由shelter推走，以免水壓太大，令shelter壓爆！而呢個行為，就漸漸變成我地深宵既飯後指定運動！

大會專用攝影師！

　　天氣越黎越凍，雨就越落越大。停一小時雨，又落兩小時雨，我地就係一整晚咁樣渡過。而中心shelter既人就隨之越黎越多，為左渡過寒冬，吹水同生存大家都出盡法寶。我地呢邊廂就煮左薑汁湯丸供大家品嘗，而有人就獻出左紅酒，有人仲煮左ｄ糖水食tim，伴隨住我地既，仲有一支大營燈，佢豎立係我地眾人之中，唯獨的一咁照耀我地，而且又好暖，就好似營火咁，令氣氛好溫暖呢！就係大概凌晨兩點鐘左右，我同飛雲同旁邊幾位營友都提前入營休息了。而係我印象之中，我真係入營後五秒左右就訓著＝＿＝，但係就累得好開心！

＿

　九點鐘，一覺起身，見到升爺同飛雲訓到成隻豬咁，我就只係一條友走出黎打探下大家情況啦，原來大部份人已經起身！唔少人更煮緊早餐tim！有既食意粉，有ｄ食公仔面，飲咖啡，茶；基本上，應有既早餐種類，都有齊哂。而等埋我個兩位同伴，我地就開始煮食。我地既早餐就係「咸牛肉蛋治」啦，但我地竟然無影低自己食乜，可惜！

　當我炒完幾隻蛋，咸牛肉，整左幾塊咸牛肉蛋治比兄弟，正想為自己整一塊時，一隻名叫「小王」的狗係我旁邊突然露出半個頭。雖然我已經唔係好驚狗，但要我掂隻狗，同推開佢，小弟自問做唔到。正當我落哂ｄ料落個面包到個時，「可恨的小王」突然一口咬落我既咸牛肉蛋治到！我望住佢一啖又一啖咁食我塊咸牛肉蛋治，我真係灰過灰姑娘，但無計.....弱肉強食..嗚嗚。　一塊...我算，我忍！我正想整第二塊時，佢已經企係我身邊眼金金咁望住我，大大減低左我整面包既意欲。雖然被狗咬也不怕既飛雲不斷試圖馴走小王，但終究也不成功，反而更引來小王既其他朋友，對於一個未食早餐既我，可謂苦不堪言啊！

　　上圖並唔係「小王」佢係小王既朋友老友狗狗之一。
　　自稱馴獸師既飛雲結果再次鼓起勇氣挑戰難度，以食物引走兩隻狗，最終成功，亦給予我空閒整多一塊咸牛肉蛋治做早餐！同時，飛雲竟然令到隻狗企定定比佢影相，仲要擺埋post！真係好可愛。經此一役，我對於狗可謂又愛又恨.....

　　食完早餐，我地就開始著手pack野，然後就係shelter到再重新整理一下。然後，營友之一既琳琳提意我地拎支營旗影張相作留念。唔該哂琳琳幫我地渣機！

　　係呢兩日一夜，識左好多唔同既人，學左好多唔同既知識，令我既見聞得已擴閣，多謝大家！希望下次大家再搞活動時一定要邀請埋我地呀＞＜！感謝主辦單位同各方營友！

2013年10月5日星期六

Dairy of 4/10/2013 buffet L,hotel By Paco

4/10/2013

My father has been staying in Hong Kong for a week, because of the National Holiday.
We booked a buffet in hotel tonight at 6:30 - 9:30 p.m. I ran to tatsing's home after school,in order to took a bath and made up my appearance .The time i set off was a little bit late,as tatsing was come late.
I rushed to the Mtr station and queued.When i was transferring to the Island Line from Tsuen Wan Line ,I saw there are crowned of people lining up.When the train is come,the passengers forced to get into the train violently.They only pushed and pushed,no matter how full was the car.I was standing in the first of the line.Since I was allowing the passengers left the car for a second, a empty car was nearly full in a flash!That was insane.Also ,there were some queue-jumping stupid mainlanders pushing each other either.

After a terrible fight,I finally arrived the L.Hotel to have my lovely buffet and quality time.I started to discover different kinds of foods.Such as , crab,potato salad,sushi,sashimi,Tail-carry chicken , lots of desserts and so one.I discovered there were involved different types of foods.For instance,Asia , Japan,Italy and others.It was not only the appearance was good , but also the services and quality of food was pretty nice.As we have enjoyed the buy 2 get 2 free special offer, it was only costed $250 per one, which was reasonable.My father have ordered a red wine,which is costed $320. Honestly , It was a little bit expensive,but the tatse was pretty great.The aftertaste was prolonged,the first taste wasnt strong thought.

At 2:00 a.m. My father has found out his historical photos and valuable first day cover,which was stunned me . My father's primary and secondary school class photos are being kept well,which are put into a plastic cover.He has also saved the primary's classmates private student photos with their names which was written in the back of the photos.I think that was really memorable.I seriously didn't found out my father in the photos,because he was fatter than now.He has showed us the prettiest girl in his primary school,who was ugly . And we laughed in it loudly . Besides , my father have introduced his first day cover to me ,which has been storing in a exquisite case.The case involved Hong Kong day's first day cover , Hong Kong landscape's first day cover and so one.Most of them were issued in 1937-1997,which were really historical.My mum said that "take those of them to sell it ." Surely , We stopped her decision,as my father and I also though that those were unsellable.We chatted for about 2-3 hours.I saw a photos of my grandmother and grandfather,which was surprised me.My grandfather was tall and ma father and I is shot . WHY!!!! arent we are his son and grandson HAA?

I think its rare for us to chat about my father's past .I really really feel extremely excited.Its difficult for me to express the feeling in words.The family warm is satisfied full of body.

2013年8月21日星期三

休閒日記，18/8-2013 斌爺，威仔，我，從赤徑走到咸田

咸田 18/8

叮，叮，叮叮

「喂，paco，我到九龍塘啦！」斌爺朝氣勃勃的說道。

　不愧為斌爺，早出發又精神。

一聽到電話就仆去整理行山裝備同沖涼既我，轉眼間又聽到叮叮聲。原來又係斌爺打黎。

「喂，我到調景嶺啦，你快d落黎啦」

本着早到準時既心態，我便馬上飛奔到地鐵站去，歷時「三」分鐘！

當然，我係早到啦！今天的行山團除了斌爺及我，還有一位兄台。他就是威仔。(威仔既目的係黎練下影相，因為佢買左部新相機)

在地鐵站呆等的同時，我亦給威仔撥了一個電話，詢問他身在何方？

然而，世事往往是不如意的，原來他才剛起床！即使生氣也沒用，我只好叫他馬上出發好了。

在另一邊廂，我與斌爺會合後便到m記一邊享受早餐，一邊聊著天等待著威仔的來臨。

話題上至上文，下至地理，都是些生活瑣事而已。

一小時後－－－－－－

「對唔住呀，大佬！」威仔賣萌地道歉。

「求其啦求其啦！」我回答。

　我打從心底覺得求其啦，人都到左就爽手出發吧！

　連忙，我地走到新都城二期巴士總站，先坐小巴直達西貢市中心，後轉94號巴士直達北潭凹，展開我們行走赤徑直達咸田之旅。

　　小插曲：由於巴士上並沒有車站提示，結果我們使用了九巴的APPS，追蹤著自己的巴士，但卻使我們在早了一個站下車！（即北潭凹管理站=_=)幸好我們在下車後數秒之間發現此事，並知會司機，才使我們不用走到下一個站呢！

　　下車後的我馬上狂奔到廁所上，因為我肚子剛好十分痛。幸好在北潭凹有公廁侍奉著我們每一位行山人士！從公廁走出來，便先後看見兩只金黃色毛的野狗從我眼前走過，放眼一看，又再看到兩位外國人拖著站起來可能比我更高的黑色大狗從赤徑走出來。竟然一天便看見四只狗，真少見。

　　赤徑風景不算多，沿路多被樹林遮掩著，偶然有些微風能吹進山徑，也使人身心舒暢。途中，我們一邊聊天，一邊走著；有時候，威仔便會停下來拍照，有的是景，也有的是我與斌爺的背影。雖然此山路景色凡凡，但本次的旅程也看見了些我們從來沒見過的東西，經歷了一些未曾嘗試的東西。

　　首先，我們幾乎在路的旁邊也四處能尋找到蟹的足跡，相信是前幾天下雨時被衝上岸的。他們身軀猶如我的手掌一樣大，但牠們的拑(手部)也有我的掌心一樣大，而且鮮艷的橙色印在拑更是使蟹的存在感大大提升了。他們的感官非常敏銳，莫說想接近牠們，從遠處看一下牠們也好像被發現似的連忙閃避到別處，找也找不到。除外，牠們走路一拐一拐的，非常可愛。

　　沒錯，蟹是非常可愛。緊接下來，我們便忽然發現頭頂上有著一個巨大的蜘蛛網。不僅有只手掌般大的蜘蛛依附在蜘蛛網的中心，而且裹有許多蜘蛛仔仔女女在網中遊走，感覺非常嘔心，因此我看過就馬上轉移視線了。還有，許多不同種類的蝴蝶也在我們身旁飛舞穿梭。有的是黑頭藍尾黑藍色翅膀，有的是黑頭紅尾紅色翅膀，也有的是間條棕白色翅膀的蝴蝶，目不暇給。

　　還有一件事不得不提。若走到中段，忽然聽到一陣動物的怒吼！但經常行山露營的我也不以為然，因為西貢的牛隻多不勝數，而且我又不怕牛，即使牛在發脾氣我也能撓過牛隻行走啊！

　　『啊啊啊啊啊！！KEE！！啊！』低沈的動物聲在怒吼。

　「嘩，乜鬼野黎架，叫到咁大聲，傻左咩？」我說。

　「唉，西貢ｄ牛係咁架啦，拿拿林行過佢就算啦！」斌爺答道。

　「喂......會唔會係野豬黎架？」威仔輕聲說道

。。。　。。。馬上靜止了！

　　由於我們聽出聲音是從轉彎後的地方傳來的，我們只有走到那轉角位才能知道聲音是什麼發出來的。

　感謝威仔的一句爆炸性語言，使得帶頭的我馬上手汗盡出，一步一驚心，身軀變得僵硬；左望望，右望望。終於走到轉角位了！眼前的景象既常見又震撼，十多隻牛隻聚集於那處。我馬上放下心頭大石，如釋重負，便昂首闊步的走過牛群去了。期間，我們又聽到『啊啊啊啊啊！！KEE！！啊！』的聲音，原來這真的是一隻牛在叫呢！幸好這是虛驚一場，真感謝威仔！

　　欣賞沿途風光及千辛萬苦的走過赤徑後，迎來的便是一條獨木橋，沙灘和海。出奇地，閒日的咸田竟也有若十多人在玩耍，頗少見的。莫非咸田也要被遊客攻佔了嗎？我只能祈禱許願惡夢不會成真了。

　　由於斌爺是第一次到咸田，因此在那咸田地標－－－「獨木橋」上，我們彼此之間拍下了不少照片。這也得感謝威仔攝影大師。及後，我們放下東西便跑進海中稍作游泳，浸水。約二時正，我們便走到咸田的士多進行午餐。雖然收費稍貴，五十元一碟炒飯，炒烏冬，但身處戶外的你，只需支付五十元就能品嘗賣相與味道也不錯的午餐，可謂超值！

　　在午餐期間，旁邊剛好有位行山客剛抵達，並坐下休息。我猜算年齡若十九至二十歲而已。

　　「嘩，你碟野咁大碟既？五十渣？」他嘩然。

　　『係呀，呢度咸田，五十蚊，幾大碟，飽得黎又幾好食，真係算係咁啦！』我回答

　　良久，看他獨自吃著雞翼，真可憐呢！

　　吃過午餐，我們便準備沿路出發回家。正準備與那位若二十歲的少年道別時，忽然看見他拿著簿在寫東西；在我的好奇心驅使下，我便走近一問。原來，他正在以英文記錄另一桌，一個洋鬼子與中國女人喝著啤酒打情罵悄的情形！真是有趣！這另一個模式的日記，深信我下次也會試一試呢！

2013年8月15日星期四

第五屆香港學界天文營---<流星‧願> 營後感 By 肥中 Paco

對上一次打千字文感受可能已經係中四既班camp了

無疑，今次camp難忘情度係非常之高，而且好玩情度都係5**既！

　能夠参加呢次camp首先我真係好多謝我既朋友搵埋我入黎啦~無佢叫埋一齊黎，我都無機會係到打呢篇野，都無機會睇到人生第一次既火流星，流星雨。

　　經過左三日兩夜，我地基本上，係無訓過的。但最令我開心感動既係，我地組既組仔女真係願意唔怕污穢，訓地訓蓆，什至訓落一個未乾哂，濕濕地既草地，而目的就只係為左單純傾計傾一晚，同一齊身連身咁訓係到陶醉於我地既星空！

　　而即使我地再累再無訓都好，我地大家都會投入去我地既活動當中，亦正因為係咁，先換取到我地能夠感受到快樂，愉快。　呢三日朝早既活動其實我都覺得搞得非常之好，雖然當中都有少少誤會，但總體黎講，活動都幾流暢，而且都的確可以令到我地彼此更加投入，互相認識。

　無法忘懷既，的確係我地幾十人，什至一百人左右一齊訓係天台上睇星既晚上。每當有一粒流星飛過，大家都會不約而同咁『嘩』！！我地平時掛係口邊既許願，根本係完全唔夠時間許既XD，遺憾我都無試過對住粒流星許願: (( 流星係一件好私人既事，我係非常同意。

我記得係觀星頭個幾個鐘，我係完全睇唔到流星。並唔係我無專心觀星，而係我既視覺咁岩同流星出現既地方擦身而過。每當聽到人地係到嘩然，而自己又睇唔到既時候，真係有丁點兒既失落。好在時值流星雨高峰期，過左幾個鐘之後我就終於見到流星。訓係到指住粒流星大叫個個感覺真係極度痛快！>< 　天待我不薄，我不但睇到超爆多流星，仲睇到一粒火流星！粒火流星就好似煙花咁，漸進式消逝，最後更爆左一下，錦上添花。

　　係睇星過程中，都有唔同組既組爸組媽，工作人員教我地睇星，點用星象圖，這使我地係睇星過程中亦能得到一些知識。原來當我地拎住星象圖，然後再望住天空搵到粒星個感覺真係好痛快架，有超級大既滿足感，就好似登上左一座行左十小時既山一樣，開心無比。而且工作人員都有分享佢地睇星既小故事，這使我地係觀星之餘，又多一份樂趣。

　觀星固之然係重點之一，但同營入面與人相處亦都係重要既一環。

　我非常之慶幸入左m6呢一組。雖然起初簡介會我都見大家算係願意投入活動既朋友，但始終簡介會同觀星營相隔整個星期，我心入面都怕大家難以相處融洽；但入到營既第一日之後，我已經發覺自己既擔心係白擔心的XD。由於呢個營唔係D咩強制性加入既營，自由度都非常之高，眼見大家唔會潛水，早訓，而且更奉陪彼此到底，我衷心的感謝大家比左個無教好訓既3日2夜我(叩頭)(叩頭)(叩頭)

　都係時候講下我對大家既感想啦！

　首先真係想講下panda hill 1號，起初真係估唔到你係咁多野講架(正面既XD)，因為我已經十足十一個口水佬，估唔到有一個女仔可以拍得住我咁多野講，佩服佩服！不過好事黎架，Fun for sharing，分享更多既事，能為我地帶黎快樂！你Ｄ生活事績真係令我笑左好耐好多次......

　　kelly,agnes,淨淨，雖然你地的確講野唔多，但其實每個人性格都唔一樣，真係無所謂。但我衷心希望你係我地組入面可以開開心心，可以係我地吹水，活動中得到當中既樂趣，觀星時感受到大自然既份天賜既恩物便足夠了。(但淨淨係whatapps 就好雀躍 XD 唔使怕羞喎 :p)

　　而牙cat 同 hilary 2號，我知你地都係動畫動漫既fans，如果下次re-u既時候真係可以搵我講動漫畫架，其實我都好宅好毒XD

　　jason,cc,牙hey，唔計組爸，我地係組唯一既四個男仔。固然我對天文好有興趣，但係呢３日兩夜，我發現你地對天文既興趣分分鐘更比我大。Jason唔使講啦，下界主席喎！！(題外話:無意中發現jason更係我街坊，哈哈)，而cc 係影相方面，影星方面都睇得出你非常鐘意星空；而牙hey當有機會聽天文知識，都會走埋去聽，更會問問題，可見大家既熱誠都非常充足！
有機會我都想跟cc 學下影相 XDD 。

　而holiday 法拉簡直係一個開心果，成日笑笑笑笑笑，見到你個樣我都好想笑XD，同你一齊感覺好舒服。儘管發生好多事，既來之，則安之。可能我係男仔，好多野都幫你唔到，但我都好樂意聽你既難言之隱～　同埋其實你既夢想真係一D 都唔 KAI ，搵方法慢慢一步一步去接近你想做既事吧！

hello kitty，你呢位天象愛情專家，你既口水份量的確同我有得揮XD，不過係一件好事黎，多人講野，人都開心Ｄ　ＸＤ，但其實真係好想聽下你Ｄ　愛情史，呢幾日入面你係咁問我地出營時間，同埋你對愛情既衝勁，令我真係有好大既好奇心聽你講下自己既愛情故事。(你當我8卦啦 ) HAA

jess (你愛的名字) ，你熱愛天文呢個事實我相信係無容置疑，即使你係玩過中天訓先識咁多天文知識，但你對天文既熱誠大家有目共睹。其實我都有好多天文既野想請教你，事關我唔係讀理科，好多野都聽到一頭霧水，但又好想知喎！所以下次我相信都會問你好多問題＠＠。　下次我覺得你可以同ｃｃ　一齊研究下點樣影星星，合二人之力應該會影出更好的相片。同埋你既爆炸性言論真係笑料百出，令我地驚訝無比，有機會我都想再聽多ｄ，哈哈哈！

　當然，最重要既就係我地既組爸媽啦！作為我地組既爸爸媽媽，我衷心覺得非常好！至少同我地組既融入度都非常高先啦！除外，其實組爸媽係背後又要搞活動，組織好多野之外，仲願意夜媽媽都願意繼續同m6 hold 活動，傾計，我覺得係非常難得。而已無左你地兩位既帶領，我地可能係營入面都唔會玩得咁開心，所以我非常多謝你地！特別係條組巾！條組巾不但實用，而已真係滿載回憶，我第一次覺得一件物件係咁重要，可以有咁多回憶。我望住條毛巾就會諗起係營入面經歷既野，我什至洗野個時唔見左都驚餐死，當然原來自己傻仔左而已！　你比我地既禮物，心機，時間，先至係我地m6 既靈魂所在，無言感激！

　　係營入面，當然唔少得同房既各爸打啦，大家都非常好動，玩得。我地房永遠也不會關燈的賭局，真係令我非常難忘。當我有份樂在其中既時候，真係好爽，但夜晚想小睡兩小時時，卻使我夜夜難睡。。。　不過完全無所謂，大家開心就好啦: D

　　仲要多謝其他組爸媽，工作人員，因為佢地幫手影左好多相，先令我地今日有相睇ＸＤ

仲有佢地係背後既付出，先至令我地可以聚首一堂(叩頭) 多謝！

　　希望黎緊既RE-U將係離今天不遠之事，因為我真係好想可以快Ｄ又一齊玩，傾計XD

仲有，下年我都會RE-join 架啦，比我,join la XDD

　最後最後，一樣我非常開心既事就係，我講既說話能為大家帶黎正面既影響，yes ! go with the flow ，有志者事竟成！　大家其實都係非常有才能既人，相比起我，我真係自卑：(

所以大家無需放棄自己，迷失，相信自己is the best . You are not alone ,coz m6 is always standing behind you .

再一次感謝大家分享自己既故事,有苦的,有Sweet sweet 的，亦都多謝各大單位既努力，令呢個CAMP 比我地可以認識到對方 : D

2013年7月14日星期日

越過觀景台，自殺崖，南路飛鵝山之旅。史上最驚險，前無古人，後無來者

七月十三日，是我人生中最難忘的一天
七月十三日，是我與死亡離得最近的一次
七月十三日，是我最興奮的一天，最心驚膽跳的一天
七月十三日，是我最開心的一天，我也結識了一位新朋友

　　前一個月，有一位自稱亦是中五的學生Inbox我說一起行山。當然我們Gamelive行山隊亦十分歡迎，因此我們便相約於七月十三日早上八時彩雲村的冬菇亭集合。在彩雲村的茶餐廳吃過早餐後，我們便開始由彩雲商場出發，步步為營的從南路登上飛鵝山。

人員: 阿鑫(第一次見面的行山朋友) ，我(paco)，飛雲

　

　　踏進飛鵝山後，我們從『飛鵝山一號』豪宅旁的一條小徑直入，抵達了南路的入口。由於過份興奮，我們在前半段亦沒有拍下太多照片，因為都是一些很普通的山路，不過卻未經政府修補。而這南路的特別之處，便是越往上走，山上的石便越高，鈄度也更大，可走的空間也越少，因此我們不消十五分鐘，已能幾乎香港的全景。

　　正當我們走到一片較闊的位置後，我們便準備停一停進行休息，補水。當天氣溫極度炎熱，有31.5度。最痛苦的，並不是承受酷熱的天氣，而是困在焗促的山上。一邊被猛烈的陽光照射著，一邊氣喘的急速上山，腦部活像缺氧的，非常辛苦。加上在山腳附近的草較長，這不但阻礙了空氣流通，而且風也很難穿透到自身，使焗促的感覺更上一層樓！

　　就在歇息期間，突然有人倒下了！！！........

　　飛雲就在此刻說：「我不行了，太熱太暈太焗了！」

其後，阿鑫把一支結了冰的冰水給予飛雲消暑解溫。但酷熱及焗促的天氣實在令人痛苦，坐下休息良久後的飛雲也依然感到頭暈，為免中途發生意外(命仔要緊XD)，他最終退出本次登山團的旅程！ : ((

　　起初我們也打算先抬飛雲下山，至於再上山與否便再算，但飛雲卻硬說自己能獨自下山，眼見並沒太大異樣的飛雲，我們只好讓他獨自下山。(當然我們有保持電話聯絡，他需要在下山後打給我們報平安，然後飛雲亦安全回到家。)

　　非常可惜，我拍不了飛雲虛弱倒下的倒楣樣子: (( 不過接下來的旅程則完全填補了我的失落感 :)))

　　在飛雲退出後，我才發現自己有相機在手(報平安的iphone)，因此接下來將有較多照片欣賞XD！

往上看的山景

往下看的山景

以上人物是行山遇到的行山同好者

　　風光如畫的美景我便不多形容了，我想要分享的是我們在旅程中遇到的『人』。

　　我們在此旅程中遇到二組人，每組二人。一組是一對老夫婦，一組是兩個中年男人。他們十分友善，我們在途中有講有笑，非常快樂。我們休息時，他們便領先著我們，到他們休息時，我們又反超前他們，因此我們也整段路程也與他們同在呢～！

　　雖然他們年紀較大，體力沒有我們那麼好，但他們的行山技術真是使我佩服佩服！

　　良久，我們終於抵達往『南路觀景台』的路了！這使我當時嘩言驚慌！

　　首先感謝其中一位中年男人幫我們拍下張帥氣照，其次，我更想感謝阿鑫對我的照顧。其實我在走『觀景台』這路程非常驚慌，害怕，幸好有他風雨同路及指點，我才安全順利的走到這『觀景台』，而兩位夫婦亦給予了我們一些指點及為我們拍照；我衷心感激他們！他們行走這路段約２分鐘，但我卻使用了約１０分鐘的時間來完成，可見我是多麼的害怕-_-

!!!!! 　他們都挺著身子的行走，我卻『屈蛇』的在爬－＿－！

你們看到路在那兒嗎？連我自己也看不到-_-

我當時看著所謂的『路』，我只看到一個『萬丈深淵』

　　此路雖短，但卻有兩個位置使我份外難忘。此路有一個位置是被一舊頗大的石阻著( 即上圖離鏡頭最近的石頭)，而且是鈄下去的。簡單來說，踏進那步後一滑腳，腳震便bye bye了～

我必須使出渾身上下的力抓著山草方能穩著身子。雖然我們的鞋子能把那腳步在石頭上穩著，但你能面對毫無保護，一滑腳便死掉的深谷踏進這步嗎？若你能通過這個心理關口，恭喜你，你成功了。

　　而第二件事則是使我差點喪命的事。在走到鏡頭前那石前，我們必須先踏進一級小小小小小石級方能再向前邁進，而已要把腳抬得比平常更高。但由於我身子不高，而且慌亂無比，因此我的左腳踏錯了第一步.......在我右腳踏上第二步時，我發覺左腳的泥土開始鬆散，有著無法站穩左腳的感覺。當時我並不緊張，因為我面對的是恐懼，死亡的恐懼，我心知在這情況拖著只會失敗收場，因此我吸了三口大氣，便一鼓作氣，抓著並非絕對可靠的山草一躍而上，幸好我成功了，我站上了一舊更高的石，成功渡過難關。

P.S 但其實我使力時也感覺到山草有種被我連根拔起的感覺，這使我當時的恐懼感倍增呢！